TMD memleketteri áýe kemesin basyp alý kezinde birlesken sharalar qoldanady - zań jobasy

ASTANA. 14 qańtar. QazAqparat - Búgin QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «TMD-ǵa qatysýshy memleketter kúshteriniń áýe shabýylyna qarsy qorǵanys jónindegi kezekshileriniń áýe kemesin basyp alý týraly aqparatty alǵan kezdegi is-qımyldaryn uıymdastyrý týraly kelisimdi ratıfıkatsııalaý týraly» zań jobasy talqylandy.

Atalmysh kelisim 2011 jyldyń úshinshi qyrkúıeginde jasalǵan. Qujattyń maqsaty TMD-ǵa qatysýshy memleketter kúshteriniń áýe kemesin basyp alý men áketý barysynda qarsy qoldanylatyn sharalar kelisimin aıqyndaý bolyp tabylady. Sonymen qatar, kelisim aıasynda áýe keńistiginiń qaýipsiz paıdalanylýyn qamtamasyz etý, terrorızmge qarsy turý sharalaryn qoldaný qarastyrylady.

Budan bólek, taraptardyń yntymaqtastyǵy osy Kelisimniń ajyramas bóligi bolyp tabylatyn kezekshilerdiń is-qımyldarynyń tártibi týraly erejege sáıkes júzege asyrylady. Sonymen qatar, Kelisimge sáıkes, TMD-ǵa qatysýshy memleketter Qorǵanys mınıstrleriniń keńesi janyndaǵy Áýe shabýylyna qarsy qorǵanys máseleleri jónindegi úılestirý komıteti TMD-ǵa qatysýshy memleketter áýe shabýylyna qarsy qorǵanys birikken júıesi kúshteriniń is-qımyldary boıynsha birlesken jattyǵýlaryn jyl saıyn ázirleıdi jáne ótkizedi.