TMD memleketteri Aqparattyq qaýipsizdikti qamtamasyz etý strategııasyn talqylaıdy
MÁSKEÝ. QazAqparat - 2019 jyldyń 15 naýryzynda Máskeýde Táýelsiz memleketter dostastyǵy Ekonomıkalyq keńesiniń 81-shi otyrysy ótedi. Otyrysqa Túrikmenstan tóraǵalyq etedi, dep habarlaıdy QazAqparat.
TMD Atqarý komıteti baspasóz qyzmetiniń aqparaty boıynsha, kún tártibinde TMD elderiniń ekonomıka salasyndaǵy ózara qarym-qatynasynyń keshendi máseleleri talqylanady. Atap aıtqanda, Táýelsiz memleketter dostastyǵy elderiniń Aqparattyq qaýipsizdigin qamtamasyz etý strategııasyn ázirleý máseleleri talqylanbaq.
Sondaı-aq, elektrondyq saýda salasynda tutynýshylar quqyǵyn qorǵaý máselelerine erekshe kóńil bólinedi.
Budan bólek, jıynda TMD-ǵa múshe memleketterdiń keden organdarynyń zııatkerlik menshik quqyqtaryn qorǵaý salasyndaǵy yntymaqtastyǵy talqylanady.
TMD Ekonomıkalyq keńesine uıymǵa múshe elderdiń úkimet basshylarynyń orynbasarlary kiredi. Onyń otyrysyna TMD Atqarý komıtetiniń tóraǵasy - atqarýshy hatshysy qatysady.
