TMD memleketter basshylarynyń otbasy ınstıtýtyn qoldaý jónindegi málimdemesi BUU-ǵa taratylady

ASTANA. QazAqparat - TMD memleket basshylarynyń otbasy ınstıtýtyn qoldaý jónindegi málimdemesiniń mátini BUU, EQYU jáne basqa da halyqaralyq uıymdarǵa taratylady.

Bul jaıly TMD Atqarý komıteti tóraǵasynyń orynbasary - atqarýshy hatshysy Vıktor Gýmınskııge silteme jasap BELTA habarlady.

Málimdemeni Sochıdegi sammıtte qabyldaý josparlanýda. V. Gýmınskııdiń aıtýynsha, otbasy ınstıtýty men dástúrli otbasylyq qundylyqtardy qoldaý jónindegi málimdeme aldaǵy sammıtte qaralatyn mańyzdy qujattardyń biri.

Eske sala keteıik, 11 qazanda bolatyn Sochıdegi sammıtte TMD Memleketter basshylarynyń keńesi 20-ǵa jýyq máseleni qaraıdy. Sonyń ishinde Ǵarysh keńistigin zertteý jáne beıbit maqsatta qoldaný salasyndaǵy yntymaqtastyq jónindegi Dostastyq Konventsııasynyń jobasy da talqylanady.