TMD memleketteri basshylary ulttyq taǵamdar festıvalin tamashalady
ASTANA. KAZINFORM - Prezıdent Qasym-Jomart Toqaev pen TMD memleketteri basshylary ulttyq taǵamdar festıvalin aralady. Bul týraly Aqordanyń baspasóz qyzmeti habarlady.
Túrikmenstan pavılonynda memleketter basshylarynyń nazaryna jergilikti baqsha jáne nan-toqash ónimderi, túrikmen kilemderi qoıylǵan kórme usynyldy. Sonymen qatar ádebı-sazdy «Oǵyzdar» («Ogýzlar») qoıylymy kórsetildi.
Qazaqstannyń ulttyq pavılony elimizdiń tarıhı-mádenı baı murasy men zamanaýı jetistikterin tanytatyn birqatar taqyryptyq alańnan turady.
Memleketter basshylaryna TMD-ǵa múshe elderdiń ulttyq taǵamdaryn ázirleý barysy tanystyryldy.
Festıval aıasynda prezıdentterdiń qatysýymen Uıymǵa múshe memleketter arasynda ótken «Júıriktiń shabysy: kúsh pen symbat» atty televızııalyq fılmder baıqaýynyń jeńimpazdary marapattaldy.
