TMD quramyndaǵy taǵy bir el koronavırýsqa qarsy vaktsına ázirledi
NUR-SULTAN. QazAqpart - Belarýste COVID-19-ǵa qarsy otandyq vaktsınany synaý bastaldy, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Olardy respýblıkalyq epıdemıologııa jáne mıkrobıologııa ǵylymı-praktıkalyq ortalyǵy júrgizedi. Tájirıbelik úlgini synaý sharalary kúzge deıin aıaqtalady dep josparlanýda. Eldegi vaktsına ónidirisi 2022 jyly iske qosylýy múmkin.
Sıam týrısterdi qabyldaýǵa daıyndalyp jatyr. Taıland bıligi aldaǵy tórt aı ishinde basqa elderdiń turǵyndary úshin shekarany ashýǵa nıetti. Bul týraly eldiń Premer-mınıstri Praıýt Chan-Ocha málimdedi.
Onyń aıtýyna qaraǵanda, sheteldik týrısterdi qabyldaýǵa «daıyn» kýrorttyq aımaqtar erterek ashylýy múmkin. Shekaralardyń ashylýy epıdemıologııalyq jaǵdaıǵa qaýip tóndiretindigin túsingen saıasatker el ekonomıkasyn damytýdaǵy týrıstik salanyń mańyzdy rólin atap ótti. PTR zertteýlerdiń nátıjesin usyný mindeti alynbaıdy.
Germanııada elge keletin azamattarǵa qatysty erejeniń kúshi joıylǵan joq. Atalmysh erejege sáıkes elge kelgenderdiń barlyǵy PTR testiniń teris nátıjesi bar anyqtamany kórsetýi kerek. Mundaı sheshim Germanııanyń Densaýlyq saqtaý mınıstri Iens Shpan men Germanııa federaldy jerleriniń Densaýlyq saqtaý mınıstrligi basshysynyń kezdesýinde qabyldandy. Sonymen qatar, mektepterde testileýdi aptasyna eki ret júrgizýdi jalǵastyrý, kúz jáne qys aılarynda Germanııa turǵyndary úshin jedel testterdi tegin ótkizý qajettiligi týraly aıtyldy.
