TMD-ǵa múshe memleketterdiń áskerıleri arasynda chempıonat bastaldy (FOTO)

ASTANA. QazAqparat - Búgin Astanada Táýelsiz Memleketter Dostastyǵyna (TMD) qatysýshy memleketter armııalarynyń tabeldik qarýdan oq atý jáne ofıtserlik úshsaıys boıynsha chempıonaty jalaýyn kóterdi, dep habarlaıdy QR Qorǵanys mınıstrliginiń baspasóz qyzmeti.

Chempıonatty ashqan QR QK Bas shtaby bastyǵynyń orynbasary general-maıor Muqan Dúısekeev atalǵan jarysty «dostastyq armııalardyń áskerı-sporttyq ómirindegi aıtýly oqıǵa» dep atap ótti.

«Osyndaı jarystar halyqaralyq sportty damytýdyń kópiri retinde Dostastyq elderi arasyndaǵy baılanysty jáne «sporttyń áskerı-qoldanbaly túri onyń ishinde tabeldik qarýdan oq atý jáne ofıtserlik úshsaıys áskerı qyzmetshilerdiń kásibı daıarlyǵyn nyǵaıtýǵa múmkindik jasaıdy», - dedi M Dúısekeev.

Qatysýshylar aldynda, sondaı-aq, TMD- ǵa múshe memleketterdiń Qorǵanys mınıstrleri Keńesi janyndaǵy sport komıtetiniń tóraǵasy - Qazaqstan Respýblıkasy Qorǵanys mınıstrligi Armııa sport klýbynyń bastyǵy polkovnık Erlan Talasbaev sóz sóıledi.

Úsh kún boıy Qyrǵyzstan, Reseı jáne Qazaqstan Qarýly kúshterinen kelgen áskerı-sportshylar tabeldik qarýdan oq atý jáne ofıtserlik úshsaıys boıynsha synǵa túspek.

Chempıonattyń maqsaty dostastyqty nyǵaıtý jáne Dostastyq elderi arasynda sporttyń buqaralylyǵyn arttyrý, áskerılerdiń dene daıyndyǵyn jáne moraldi-psıhologııalyq turaqtylyǵyn kúsheıtý bolyp tabylady.

Búgin ofıtserlik úshsaıystyń birinshi kezeńi ótkizildi.

Chempıonat jalaýy 13 qyrkúıekte túsiriletin bolady.