TMD-ǵa múshe memleketter basshylary birlesken málimdeme jasaıdy
«QR Syrtqy ister mınıstri Beıbit Atamqulov 5 sáýirde Máskeýde Túrikmenstannyń tóraǵalyǵymen ótetin TMD SІM keńesiniń kezekti otyrysyna qatysady. Іs-shara aıasynda TMD-ǵa qatysýshy memleketterdiń syrtqy saıası vedomstvo basshylary halyqaralyq jáne óńirlik kúntártiptegi keń aýqymdy máselelerdi, Dostastyq aıasyndaǵy yntymaqtastyqty damytý, sonyń ishinde ǵylymı zertteý, gýmanıtarlyq salalardaǵy ózara is-qımyldy odan ary nyǵaıtý máselelerin talqylaıdy», - dedi ol.
Onyń atap ótýinshe, otyrys qorytyndysy boıynsha TMD-ǵa qatysýshy memleketterdiń syrtqy saıası vedomstvolary arasyndaǵy áriptestikti jandandyrý jónindegi is-qımyl baǵdarlamasy jáne 2019 jylǵa arnalǵan TMD aıasyndaǵy kópdeńgeıli syrtqy saıası keńesterdiń jospary qabyldanbaq. Munan ózgede birqatar qujat qaralmaq.
«Syrtqy vedomstvo basshylary 1941-1945 jylǵy ekinshi dúnıejúzilik soǵystyń áskerı jerleý oryndary men áskerı eskertkishterdi saqtaý jáne tıisinshe kútip ustaý qajettigi týraly ótinishti, sonymen qatar atalǵan soǵystyń bastalýynyń 80 jyldyǵyna oraı TMD-ǵa qatysýshy memleketter basshylarynyń málimdemesi jobasynyń mátinin qaraıdy dep kútilýde», - dedi A.Smadııarov.
