TMD-ǵa múshe elderdiń shekarashylary Qyrǵyzstanda bas qosady
Otyrysqa 9 shekaralyq vedomstvonyń delegatsııalary (Qazaqstan, Ázerbaıjan, Armenııa,Belarýs, Qyrǵyzstan, Reseı, Tájikstan, Túrikmenstan jáne Ózbekstan), Dostastyqtyń birqatar ózara árekettesýshi organdarynyń basshylyǵy men halyqaralyq uıymdardyń jumys qurylymy (Atqarýshy komıtet, Lańkestikke qarsy ortalyq, Uıymdasqan qylmys jáne ózge de qaýipti qylmys túrlerimen kúresti uıymdastyrý bıýrosy, UQShU Hatshylyǵy jáne ShYU Aımaqtyq lańkestikke qarsy qurylymnyń Atqarýshy komıteti) qatysady.
Kezdesý qazaqstandyq-qyrǵyz shekarasynyń mańynda ornalasqan Toqmaq qalasynda ótedi.
Kún tártibine qoıylǵan máseleler TMD-ǵa qatysýshy memleketterdiń Ortalyq Azııa aımaǵyndaǵy syrtqy shekaralarynda qalyptasqan jaǵdaı, ShÁBK qyzmetiniń 2018 jylǵy qorytyndylary jáne 2019 jylǵa qoıǵan mindetter, birlesken arnaıy shekaralyq operatsııalardy oryndaý nátıjesi men olardy aldaǵy kezeńde uıymdastyrýǵa arnalǵan.
Sondaı-aq Basqarýshy keńes ýaqytsha jumys organdarynyń biri - Úılestirýshi ǵylymı keńesti Ǵylym jáne bilim jónindegi Úılestirý keńesine ózgertý týraly sheshim qabyldamaq.
Budan basqa, shara barysynda shyǵarmashylyq jáne ǵylymı-zertteý qyzmetine qatysty máseleler talqylanyp, uıymdastyrý jáne kadrlyq sıpattaǵy birqatar sheshimder qabyldanady.
