TMD-ǵa múshe-elderdiń ІH «Kitap óneri» halyqaralyq konkýrsynyń halyqaralyq qazylar alqasynyń otyrysy ótedi
ASTANA. 23 mamyr. QazAqparat - 2012 jyldyń 24-25 mamyrynda Astana qalasyndaǵy Qazaqstan Respýblıkasynyń Ulttyq akademııalyq kitaphanasynda Qazaqstan Respýblıkasy Mádenıet jáne aqparat mınıstrliginiń uıymdastyrýymen TMD-ǵa múshe-memleketterdiń ІH «Kitap óneri» Halyqaralyq konkýrsynyń Halyqaralyq qazylar alqasynyń otyrysy ótkiziledi.
Bul týraly QR Mádenıet jáne aqparat mınıstrliginiń baspasóz qyzmeti habarlady.
Halyqaralyq qazylar alqasynyń otyrysyna Ázirbaıjan, Armenııa, Ýkraına, Qyrǵyzstan, Moldova, Reseı, Tájikstan, Ózbekstan jáne Belarýs ókilderi qatysady.
Konkýrstyń maqsaty mynadaı atalymdar boıynsha úzdik kitaptardy tańdaý: «Dostastyq», «Meniń elim», «Balalar men jasóspirimderge arnalǵan kitaptar», «Mádenıet. Ǵylym. Bilim», «Art-kitap», «Dostastyqta basyp shyǵarylǵan» jáne «Kitap óneri» Halyqaralyq konkýrsynyń GRAN-PRIІ. Jeńimpaz kitaptar - ulttyq kitap shyǵarýda, halyqaralyq kitap qaýymdastyǵynda konkýrstyq jyldyń mańyzdy ýaqıǵasy bolǵan biregeı, ámbebap taqyryptaǵy irgeli basylymdar.
Konkýrs jeńimpazdaryn marapattaýdyń saltanatty rásimi qyrkúıek aıynda Máskeý halyqaralyq kitap kórme-jármeńkesi aıasynda ótedi.
Konkýrstyń jeńimpazdary atanǵan kitaptar Máskeý halyqaralyq kitap kórme-jármeńkesinde kórsetilgennen keıin Táýelsiz Memleketter Dostastyǵy jáne onyń organdary qyzmetin nasıhattaý jáne Dostastyq tarıhı murajaıyn tolyqtyrý maqsatynda TMD Atqarý komıtetine beriledi.
