TMD-ǵa múshe elder arasynda ótken І Halyqaralyq festıvalde qazaqstandyqtar kúmis júlde aldy
ALMATY. 29 sáýir. QazAqparat - 21-27 sáýir kúnderi Reseıdiń Pýshkıno qalasynda mektep sportynan TMD-ǵa múshe-memleketter arasynda І Halyqaralyq festıval ótti.
Oǵan Qazaqstannan 1995 jylǵa deıingi jasóspirimder quramasy qatysyp, kúmis júlde enshiledi. Bul synda balǵyn sportshylarymyz toptyq kezeńde Máskeý oblysynyń jáne Moldova men Belarýs elderiniń quramalaryn 2:0 esebimen utyp, tek Belgorodtyń «Reseı» komandasyna ǵana ese jiberdi. Odan keıin jartylaı fınalda Máskeý oblysynyń komandasyn ekinshi ret súrindirgen olar aqtyq synda belgorodtyqtarmen qaıta kezdesip, bul joly da osal tusyn taba almady. Al qola júlde Belarýs quramasyna buıyrdy.
