TMD-ǵa qatysýshy memleketterdiń quqyq qorǵaý organdary izdestirip júrgen 32 qylmysker Qazaqstan aýmaǵynda ustaldy

Bul týraly búgin elordada QR Іshki ister mınıstrliginiń resmı ókili Qýanyshbek Jumanov málim etti.

«TMD-ǵa qatysýshy memleketterdiń quqyq qorǵaý organdary izdestirip júrgen 32 qylmysker Qazaqstan aýmaǵynda ustaldy», dep atap ótken onyń aıtýynsha, olardyń 17-si - Reseıdiń, 5-eýi - Ýkraınanyń, 5-eýi - Ózbekstannyń, 3-eýi - Qyrǵyzstannyń, taǵy 2-eýi Ázirbaıjan men Túrikmenstannyń azamattary eken.

«Máselen, quqyq qorǵaý organdarynyń qyzmetkerleri Aqtaý qalasynda RF azamatynyń qoldan jasalǵan tólqujatymen júrgen Ýkraınanyń Romnyı qalasynyń 35 jastaǵy turǵynyn ustaǵan. Ol uıymdasqan qylmystyq toptyń quramynda qasaqana kisi óltirgeni úshin memleketaralyq izdestirýde júrgen bolatyn. Sonymen qatar oǵan Ýkraına men Reseı aýmaǵynda tapsyrys boıynsha kisi óltirgen degen kúdik keltirilip otyr», dedi Q.Jumanov.

Mınıstrliktiń aqparatyna qaraǵanda, ýkraındyq azamat uzaq ýaqyt boıy Sheshenstanda turǵan. Aǵymdaǵy jyldyń maýsym aıynda basqa anketalyq málimettermen Qazaqstan aýmaǵyna kelgen.