TMD elderiniń Úkimet basshylary Túrikmenstan astanasynda kezdesedi
ASTANA. KAZINFORM – 22 mamyrda Ashhabad qalasynda TMD Úkimet basshylary keńesiniń kezekti otyrysy ótedi. Oǵan Premer-mınıstr Oljas Bektenov barady.
Kún tártibine saýda-ekonomıkalyq yntymaqtastyqty keńeıtý, ónerkásip salalaryndaǵy, kólik jáne tsıfrlandyrý baǵyttaryndaǵy birlesken qyzmetti damytý, kongress-kórme qyzmeti men radıonavıgatsııa máseleleri engizilgen.
– Úkimet basshylary keńesi QR Prezıdenti Qasym-Jomart Toqaevtyń bastamasymen ázirlengen TMD-ǵa qatysýshy memleketterdiń aýmaqtary arqyly ótetin negizgi kólik arterııalaryn ushtastyrý tujyrymdamasyn bekitedi dep josparlanyp otyr, – dedi QR Syrtqy ister mınıstrliginiń resmı ókili Erlan Jetibaev aptalyq brıfıngte.
Otyrys qorytyndylary ıntegratsııalyq protsesterdi tereńdetýge jáne Dostastyq memleketteri arasyndaǵy praktıkalyq ózara is-qımyldy nyǵaıtýǵa yqpal etedi dep kútilip otyr.
Aıta keteıik, tamyz aıynda Astanada TMD volonterleriniń alǵashqy forýmy ótedi.
