TMD elderindegi 2023 jylǵy eń úzdik áýejaı anyqtaldy

ASTANA. KAZINFORM – TMD elderi arasyndaǵy 2023 jylǵy «Jyldyń úzdik áýejaıy» baıqaýynyń jeńimpazy belgili boldy.

Bul baıqaýdy TMD elderi azamattyq avıatsııasynyń áýejaı qaýymdastyǵy jyl saıyn ótkizedi. Bıyl Reseı astanasy Máskeýde qaýymdastyq músheleriniń jyl saıynǵy esep berý kezdesýinde Mınsk áýejaıyna byltyrǵy jyldyń qorytyndysy boıynsha «TMD-daǵy úzdik áýejaı» kýbogy tabys etildi.

Bul týraly aqparat Mınsk ulttyq áýejaıynyń resmı saıtynda jarııalandy.

Aıta keteıik, Mınsk áýejaıy ushaqtardyń ýaqtyly ushýy boıynsha álemdegi TOP-5 áýejaıdyń qataryna kiredi. Munda ushý reısteriniń 92,35 paıyzy kestege saı oryndalady.