TMD elderimen radıatsııalyq monıtorıng derekterimen almasý týraly zańǵa qol qoıyldy
ASTANA. KAZINFORM — Prezıdent Qasym-Jomart Toqaev radıatsııalyq jaǵdaı boıynsha derekter almasý týraly kelisimdi ratıfıkatsııalady, dep habarlaıdy Aqordanyń baspasóz qyzmeti.
— Memleket basshysy «TMD-ǵa qatysýshy memleketterdiń radıatsııalyq jaǵdaı monıtorınginiń derekterimen almasý kezindegi ózara is-qımyly týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy, — delingen habarlamada.
Zańnyń mátini baspasózde jarııalanady.
Osydan buryn Qazaqstan men Izraıl Prezıdentteri keńeıtilgen quramda kelissóz júrgizgenin jazǵan edik.
