TMD elderiniń Jastar isi jónindegi keńesiniń otyrysy ótti

TAShKENT. QazAqparat - TMD-ǵa qatysýshy memleketterdiń Jastar isi jónindegi keńesiniń otyrysy ótti. Bul týraly QazAqparat Aqparat jáne qoǵamdyq damý mınıstrligine silteme jasap habarlaıdy.

2021 jylǵy 29-30 sáýirde Tashkent qalasynda (Ózbekstan Respýblıkasy) TMD-ǵa qatysýshy memleketterdiń Jastar isi jónindegi keńesiniń kezekti otyrysy ótti. Іs-shara TMD-ǵa qatysýshy memleketterdiń 2005 jyly qabyldanǵan jastarmen jumys salasyndaǵy yntymaqtastyq týraly kelisimin iske asyrý sheńberinde ótti.

Qazaqstandyq delegatsııany Qazaqstan Respýblıkasynyń Aqparat jáne qoǵamdyq damý vıtse-mınıstri Ashat Oralov pen Qazaqstan Jastar Kongresiniń atqarýshy dırektory tanystyrdy.

Keńes otyrysy barysynda BUU Turaqty damý maqsattaryn jáne «TMD jastar astanasy» memleketaralyq baǵdarlamasyn iske asyrý boıynsha TMD–ǵa qatysýshy memleketterdiń ózara is-qımyl máseleleri talqylandy, sondaı-aq pandemııa jaǵdaıynda jastar salasyndaǵy qyzmetti uıymdastyrý boıynsha tájirıbe almasý ótti.

Óz kezeginde, A.Oralov óz sózinde TMD-ny odan ári damytý tujyrymdamasyn iske asyrý jónindegi negizgi is-sharalar jospary sheńberinde 2021 jylǵa arnalǵan jańa birlesken jobalardy iske asyrý jónindegi usynystardy atap ótti. Bul sharalar jastar saıasaty salasyndaǵy halyqaralyq jáne óńiraralyq yntymaqtastyqty keńeıtýge jáne nyǵaıtýǵa baǵyttalǵan. Sondaı-aq, otyrysqa qatysýshylardyń nazaryn pandemııa kezeńinde TMD-ǵa qatysýshy memleketterdiń jastar qoǵamdyq birlestikteri men uıymdarynyń ózara is-qımylynyń tıimdi nysandaryn damytýǵa aýdardy.

Qazaqstan Táýelsiz Memleketter Dostastyǵynyń 30 jyldyǵyna arnalǵan is-sharalar josparyn iske asyrýda jan-jaqty tabysty kómek kórsetip kele jatqanyn atap ótken jón.

Otyrys qorytyndysy boıynsha Taraptar TMD qyzmetiniń 15 jyldyǵyna arnalǵan is-sharalardy talqylady, keńestiń kún tártibinde turǵan jobalardy iske asyrýdy jalǵastyrýǵa ýaǵdalasty jáne TMD – ǵa qatysýshy memleketterdegi jastar uıymdaryn TDM boıynsha baǵdarlamalardy iske asyrý maqsatynda yntymaqtastyqty kúsheıtýge shaqyrdy.

Esterińizge sala keteıik, TMD – ǵa qatysýshy memleketterdiń Jastar isi jónindegi keńesiniń negizgi mindetteri memlekettik organdar men qoǵamdyq birlestikterdiń ózara is-qımyly, ekijaqty jáne kópjaqty birlesken jastar jobalaryn iske asyrý bolyp tabylady.

Keńes quramyna 9 el kiredi: Ázirbaıjan, Armenııa, Belarýs, Qazaqstan, Qyrǵyzstan, Reseı, Tájikstan, Ózbekstan jáne Moldova.