TMD elderiniń kitaphanashylary elordadaǵy halyqaralyq forýmǵa jınaldy
«Dostastyq kitaphanalary: yqpaldastyq, ınnovatsııa jáne jalpyǵa ortaq qoljetimdilik» atty TMD elderi kitaphanashylarynyń forýmy bastaldy.
Forýmnyń maqsaty - dostastyq elderi arasynda mádenı jáne kitaphanaaralyq baılanystardy nyǵaıtý, Astana qalasyn 2012 jylǵy Dostastyq elder kitaphanalary astanasy retinde nasıhattaý.
Forýmnyń kún tártibinde Dostastyq elderinde kitaphana isi boıynsha memlekettik saıasatty júzege asyrý, mádenı, etnıkalyq, tildik jáne kópkonfessııalyq jaǵdaıdaǵy kitaphanalardyń qyzmet kórsetýin, sandyq tehnologııalardy paıdalaný negizinde mádenı muraǵa qol jetkizýdi qamtamasyz etýdegi kitaphanalardyń ózara yqpaldastyǵynyń tetigin anyqtaý, kitaphanashylardyń kásibı deńgeıin jetildirýdi kitaphanalardyń zamanaýı talapqa saı oıdaǵydaı damý faktory retinde qarastyrý sııaqty ózekti máseleler talqylanady.
Forým sheńberinde «Qazaqstan Respýblıkasynyń ındýstrıalyq-ınnovatsııalyq damý talaptaryna saı kitaphana qorlaryn qalyptastyrý» atty semınar ótkiziledi.
Atalǵan jıynnyń ashylýy barysynda QR Mádenıet jáne aqparat mınıstri Darhan Myńbaı QR Memlekettik hatshysy Muhtar Qul-Muhammedtiń úndeýin oqyp berdi.
Forýmǵa TMD elderiniń Ulttyq kitaphanalarynyń dırektorlary, Qazaqstan kitaphanalarynyń basshylary men jetekshi mamandary, sonymen qatar Dostastyq elderiniń Mádenıet mınıstrlikteriniń, halyqaralyq uıymdardyń (ıÝNESKO, MGYQ, TÚRKІSOI, IFLA, Eýrazııalyq Kitaphanalyq qaýymdastyq jáne t.b.) ókilderi shaqyryldy.
