TMD elderiniń áskerıleri tájirıbe almasý úshin Ońtústik Qazaqstanǵa keldi
ShYMKENT. QazAqparat - Ońtústik Qazaqstan oblysyna TMD elderiniń áskerıleri tájirıbe almasý úshin keldi. Áýe qorǵanys kúshteriniń 11 ókili kúngeıdegi áskerı bólimderdi aralap, zamanaýı úlgidegi áskerı tehnıkalarmen tanysty, dep habarlaıdy QazAqparat HAA tilshisi.
Ońtústik óńirine arnaıy kelgen qonaqtar qatarynda Reseı, Armenııa, Belarýs, Ózbekstan jáne Qyrǵyzstan elderiniń áskerıleri bar. Olar ońtústiktegi áriptesterimen tájirıbe bólisip, pikir almasty. Sheteldik ásker qyzmetshileri oblystyń qorǵanys kúshteriniń jetistigin joǵary baǵalap, óńirdiń murajaılary men tarıhı oryndaryn tamashalady.
Aıta keteıik, TMD elderine qarasty áskerılerdiń jyl saıynǵy kezdesýi dástúrge aınalǵan. Ótken jyly osyndaı basqosý Qyrǵyzstan memleketinde ótken bolatyn.
