TMD elderine arnalǵan ortaq oqýlyq shyǵarý máselesi áli qaralýda - Bilim jáne ǵylym mınıstrliginiń ókili
ASTANA. 5 mamyr. QazAqparat /Aıdar Ospanalıev/ - «TMD - ǵa múshe memleketterdegi orta mektepterde oqytylatyn ortaq oqýlyq shyǵarý máselesi boıynsha arnaıy jumys toby jumys istep jatyr», -
dedi búgin Bilim jáne ǵylym mınıstrliginiń Mektepke deıingi jáne orta bilim berý departamentiniń dırektory Bahrıden Kárimjan jýrnalıstermen bolǵan brıfıngte.
Onyń sózine qaraǵanda, TMD-ǵa múshe memleketterde ortaq oqýlyq bolý kerek degen másele TMD-múshe elderdiń ustazdarynyń sezinde kóterilgen bolatyn. «Qazirgi tańda osy másele boıynsha, Eýrazııalyq ekonomıkalyq qaýymdastyq aıasynda da Kedendik odaq aıasynda da jumys toby jumys júrgizýde. Bul birden bola salatyn másele
emes. Bolashaqta mundaı ortaq oqýlyqtyń bolatynyn nemese bolmaıtynyn ýaqyt kórsetedi. Óıtkeni mundaı tájirıbe álemde joq. Tipti matematıka sııaqty ortaq pán boıynsha da ár eldiń ózindik ulttyq erekshelikteri bolady. Osy jerde pikir qaıshylyqtary oryn alýy múmkin»,-deıdi departament dırektory.
