TMD elderinde ónerkásip óndirisiniń kólemi artyp keledi
«TMD Statıstıtka komıtetiniń derekteri boıynsha Dostastyq elderinde 2019 jylǵy qańtar-qazanda 2018 jylǵy qańtar-qazanmen salystyrǵanda ónerkásip óndirisiniń kólemi 2,7 paıyzǵa artty. Dostastyq elderinde tutyný baǵalary 2019 jylǵy qazanda 2018 jylǵy jeltoqsanmen salystyrǵanda 3,9 paıyzǵa ósti, ónerkásip taýarlaryn óndirýshiler baǵalary 1,4 paıyzǵa tómendedi», - delingen QR UEM Statıstıka komıtetinen.
Statıstıkalyq málimetterge sáıkes, osy jyldyń 10 aıynda TMD elderiniń arasynda Armenııa men Tájikstannyń jalpy ishki ónimi 107,5 paıyzǵa, ıaǵnı eń joǵary ósim kórsetip otyr. Túrikmenstan (106,2 paıyz), Ózbekstan (105,7), Qyrǵyzstan (105,7) elderiniń de JІÓ ósimi joǵary. Al Qazaqstannyń jalpy ishki ónim ósimi 4,3 paıyzdy qurady. Eń tómengi JІÓ ósimi Reseıde 101,1 paıyz kóleminde tirkelgen.
