TMD elderimen vızalyq tártipti engizý josparda joq - Reseı Úkimet basshysy
ASTANA. 6 jeltoqsan. QazAqparat - Reseı TMD elderimen vızalyq tártipti engizýdi josparlaǵan joq, alaıda shekarany qıyp ótýge shetelge shyǵý tólqujaty mindetti bolýy kerek. Bul týraly búgin reseılik telearnalarǵa bergen suhbatynda Reseıdiń premer-mınıstri Dmıtrıı Medvedev málim etti.
«Shekaradan ótý tólqujattar boıynsha bolýy qadamyna ótýdi josparlap otyrmyz. Barlyq sharalar resmı túrde oryndalýy tıis. Barsha qujattar ıaǵnı, tólqujattar, saqtandyrý qujattary rásimdelýi kerek», - dedi ol.
Sonymen qatar reseılik premer elde ultshyldyq tolqyndy kóterýdi doǵarý kerektigin aıta kele, ultshyldyq kóńil kúıdi qozdyrý úshin kóshi-qon salasyndaǵy problemalardy paıdalanýdy adamgershilikke jat áreketter dep baǵalady.
«Osyndaı is-qımyldarǵa baratyndar - jaýapsyz adamdar jáne eń qatań aıyptaýǵa laıyq», - dep málimdedi D. Medvedev.
