TMD elderi ózara is-qımyldy odan ári nyǵaıtýǵa beıildiligin qýattady

ASTANA. QazAqparat – TMD elderi saýda-ekonomıkalyq yntymaqtastyqty tereńdetedi. Bul týraly TMD Úkimet basshylary keńesiniń keńeıtilgen quramdaǵy otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Búgin munan ári yntymaqtastyq máseleleri boıynsha syndarly dıalog boldy. Barlyq eldiń Dostastyq yntymaqtastyǵy aıasynda kópjaqty ózara is-qımyldy odan ári nyǵaıtýǵa beıildiligi taǵy da rastaldy. Syrtqy ekonomıkalyq baǵdarda ortaq mindetterdi sheshý úshin kúsh-jigerdi biriktirý boıynsha dostyq jáne múddeli pikir almasý óte paıdaly boldy», - dedi Álıhan Smaıylov.

QR Premer-Mınıstri TMD Úkimet basshylary qazaqstandyq tóraǵalyqtyń Dostastyq qyzmetiniń negizgi baǵyttaryn damytýǵa qosqan zor úlesin atap ótkenin, iske asyrylǵan is-sharalardyń praktıkalyq mańyzdylyǵyna toqtalǵanyn aıtty.

«TMD keńistiginde saýda-ekonomıkalyq yntymaqtastyqty tereńdetý maqsatynda mekemeler qyzmetteriniń erkin saýdasy, qyzmetter men ınvestıtsııalardy júzege asyrý týraly kelisim jobasynda jumysty aıaqtaý qajettiligi týraly sheshim qabyldandy. Oǵan kelesi otyrys barysynda qol qoıylady dep josparlap otyrmyz», - dedi Úkimet basshysy.