TMD elderi oıyndary: áıelder kúresinen jarysqa qatysatyn qazaqstandyq balýandar anyqtaldy
ASTANA. QazAqparat - Belarýste ótip jatqan Táýelsiz memleketter dostastyǵy elderiniń oıyndary aıasynda áıelder kúresinen synǵa túsetin balýandar belgili boldy, dep habarlaıdy QazAqparat tilshisi.
Bul báseke 13 tamyzda Solıgorsk qalasynda ótkiziledi. Onda elimizdiń atynan Kamıla Apekova (50 keli), Mádına Jeńisqyzy (53 keli), Aınur Áshimova (55 keli), Asylzat Saǵymbaı (57 keli), Gúldana Bekesh (59 keli), Jangúl Bolat (62 keli), Juldyz Takısbaı (65 keli), Beıbit Seıdýaly (68 keli), Aqmaral Azanqyzy (72 keli) men Anastasııa Panasovıch (76 keli) baq synaıdy.
Eske salsaq, budan buryn qazaqstandyq dzıýdoshy Qanat Nurkeldi Belarýsta ótip jatqan TMD elderi oıyndarynyń kúmis júldegeri atandy.
Ol fınalda reseılik qarsylasyna ese jiberdi. Odan buryn reseılik jáne ózbekstandyq qarsylastarynan basym tústi.
