TMD elderi muǵalimderiniń, bilim qyzmetkerleriniń І sezine Elbasy Nursultan Nazarbaev quttyqtaý hat joldady
ASTANA. Sáýirdiń 26-sy. QazAqparat /Rýslan Ǵabbasov/ - Búgin Astanada ótip jatqan TMD elderi muǵalimderiniń, bilim qyzmetkerleriniń І sezine baılanysty Elbasy Nursultan Nazarbaev quttyqtaý hatyn joldady,
dep habarlaıdy QazAqparat.
Elbasy quttyqtaý hatynda bul jıyn postkeńestik keńistiktegi úzdik oqytýshylaryn, bilim berý salasynyń uıymdastyrýshylaryn, tanymal ǵalymdardyń basyn qosyp otyrǵanyn aıta kele, Qazaqstan Respýblıkasy TMD elderi arasyndaǵy keń aýqymdaǵy yntymaqtastyqty tek saýda-ekonomıkalyq salada ǵana emes, sonymen birge bilim salasynda, ǵylymı bilim berý elıtasynyń baılanysyn nyǵaıtýdaǵy bastamany kóterip otyrǵanyn jetkizdi.
Munymen qosa bul quttyqtaýda álemdik daǵdarys jaǵdaıynda TMD elderi arasynda áleýmettik-ekonomıkalyq jańarý men bilim berý róliniń osy uzaq merzimdi maqsattaryna qol jetkizý mindetteri turǵany aıtylǵan.
«Bizdiń elderde oqytýshy men bilim sapasynyń orasan mańyzdylyǵyna jáne róline qatysty aıqyn túsinik bar. Osyǵan oraı atalǵan sezdi ótkizý soǵan sebep bolyp tur», delingen onda.
Elbasynyń pikirinshe, bul forýmnyń jumysynda dostastyq elder aıasynda bilim berýdiń biryńǵaı keńistiginiń qalyptasýyna, onyń tıimdi qyzmet jasaýyna naqty tetikterdiń qurylýyna erekshe nazar aýdarylýy tıis.
