TMD elderi qashqyn jemqorlardy bir-birine ustap beretin boldy
Baspasóz qyzmetiniń habarlaýynsha, 26 qazanda beınekonferentsııa formatynda quramyna Armenııa, Belarýs, Qazaqstan, Qyrǵyzstan, Reseı jáne Tájikstan kiretin Sybaılas jemqorlyqqa qarsy is-qımyl jónindegi memleketaralyq keńestiń (budan ári – Keńes, SJQІMAK) 7-otyrysy ótti.
SJQІMAK óz qyzmetinde TMD memleketteri basshylarynyń Keńesine esep beredi.
Bıyl Sybaılas jemqorlyqqa qarsy is-qımyl agenttiginiń tóraǵasy Oljas Abaıuly Bektenovtiń Qazaqstan Respýblıkasynyń atynan Keńeske tóraǵalyq etkendigin atap ótý qajet.
Jyl boıy Agenttik Keńeske qatysýshy elderdiń quzyretti organdarymen jáne TMD-nyń Atqarýshy komıtetimen birlesip, 2008 jyly ázirlengen Táýelsiz Memleketter Dostastyǵyna qatysýshy memleketterdiń sybaılas jemqorlyqqa qarsy is-qımyldaǵy yntymaqtastyǵy týraly kelisim jobasyn memleketishilik jáne memleketaralyq kelisý boıynsha úlken jumys júrgizdi, ol boıynsha konsensýsqa jáne ózara qolaıly redaktsııaǵa qol jetkizildi.
2022 jyly 14 qazanda Astanada QR Prezıdenti Qasym-Jomart Toqaevtyń tóraǵalyǵymen TMD memleketteri basshylary Keńesiniń kezekti otyrysy ótti, onyń sheńberinde memleket basshylary atalǵan Kelisimge qol qoıdy, ony Keńes qyzmetiniń quqyqtyq negizi dep tanýǵa bolady.
Kelisimniń qoldanylýy quqyq buzýshylyqtarmen kúreste yntymaqtastyqtyń tıimdiligin arttyrýǵa, sybaılas jemqorlyqqa qarsy is-qımyl salasynda kelisilgen saıasatty ázirleýge jáne júrgizýge yqpal etetin bolady.
Atap aıtqanda:
sybaılas jemqorlyq týraly qylmystyq ister boıynsha járdem kórsetiledi;
sybaılas jemqorlyq qylmystar boıynsha úılestirilgen jáne kelisilgen jedel-izdestirý, jedel-profılaktıkalyq is-sharalar jáne arnaıy operatsııalar júrgiziledi;
sybaılas jemqorlyq qylmysyn jasaǵan adamdardy izdestirý, ustaý jáne ustap berý, sybaılas jemqorlyqtan túsken kiristerdi qaıtarý yntymaqtasa júzege asyrylady;
sybaılas jemqorlyqqa qarsy is-qımyl salasynda aqparattyq júıeler qurylady jáne paıdalanylady;
sybaılas jemqorlyqqa qarsy is-qımyl salasyndaǵy yntymaqtastyq strategııalary, baǵdarlamalary men josparlary ázirlenedi;
sybaılas jemqorlyqqa qarsy monıtorıng nátıjelerimen almasý júzege asyrylady;
kadrlardyń biliktiligi arttyrylady jáne t.b. júzege asyrylady.
SJQІMAK otyrysy barysynda taraptar sybaılas jemqorlyqqa qarsy is-qımyl salasyndaǵy qatysýshy memleketterdiń tájirıbesin qarady, sondaı-aq zańsyz baıý jáne sybaılas jemqorlyqqa qarsy organdar qyzmetkerleriniń biliktiligin arttyrý týraly qylmystardy tergeý kezinde halyqaralyq yntymaqtastyqtyń tıimdiligin arttyrý máselelerin talqylady.
Otyrys qorytyndysy boıynsha SJQІMAK sheshimimen Keńeste kezekti otyrysqa deıingi kezeńge tóraǵalyq etý Qyrǵyz Respýblıkasyna berildi.
Agenttik SJQІMAK alańyn syndarly dıalogtyń mańyzdy jáne paıdaly quraly jáne sybaılas jemqorlyqqa qarsy is-qımyl salasyndaǵy halyqaralyq ózara is-qımyl úshin perspektıvalyq alań retinde paıdalanýdy jalǵastyrady.
Foto: gov.kz
