TMD elderi basshylary Keńesiniń otyrysynda qandaı qujattarǵa qol qoıyldy
AShHABAD. QazAqparat – Ashhabadta ótip jatqan TMD memleketteri basshylary Keńesiniń otyrysynan keıin birqatar mańyzdy qujattarǵa qol qoıyldy, dep habarlaıdy QazAqparat Aqordaǵa silteme jasap.
Atap aıtqanda:
1. Táýelsiz Memleketter Dostastyǵy uıymyna múshe elderdiń strategııalyq ekonomıkalyq yntymaqtastyǵy týraly Deklaratsııasy;
2. Táýelsiz Memleketter Dostastyǵy uıymyna múshe elder basshylarynyń uıymǵa múshe memleketterdiń halqyna jáne álemdik qaýymdastyqqa 1941-1945 jj. Uly Otan soǵysyndaǵy sovet halqynyń Jeńisine 75 jyl tolýyna oraı Úndeýi;
3. Táýelsiz Memleketter Dostastyǵy uıymyna múshe elderdiń bas bostandyǵynan aıyrýdan basqa jaza túrlerin oryndaýdy berý týraly Konventsııasy;
4. Táýelsiz Memleketter Dostastyǵy uıymyna múshe elderdiń 2020-2022 jyldar aralyǵynda terrorızmmen jáne ekstremızmniń ózge de zorlyq-zombylyq túrlerimen kúreste yntymaqtastyǵy týraly Baǵdarlamasy.
Eske sala keteıik, QR Prezıdenti Qasym-Jomart Toqaev Ashhabadta TMD memleketteri basshylary Keńesiniń otyrysyna qatysqan bolatyn.
