TMD elderi armııalary Oıyndarynyń birinshi kúni Qazaqstan 26 medal enshiledi (FOTO)
Olardyń tórteýi altyn, 9-y kúmis jáne 13-i qola. Bul týraly QR Qorǵanys mınıstrliginiń baspasóz qyzmeti habarlady.
Jarystyń birinshi kúni bizdiń top quramyn joǵary satyda kórsetken júzýden halyqaralyq synyptaǵy sport sheberi kishi serjant Aleksandr Tarabın boldy. Ol 50 jáne 100 metr aralyqqa arqamen júzýden eki altyn medal jeńip aldy. Osy sport túrinen armııalyq Mıhaıl Nıkýlshın, Georgıı Parashıýtov, Evgenıı Azarev jáne Andreı Zýbakov syndy sportshylar 5 kúmis jáne 5 qola medal ıelendi. Álemniń 11 dúrkin chempıony kishi serjant Vıtalıı Dıdenko 95 kg salmaqqa deıingi sanatta kir tasyn kóterý sportynan «altyn medal» ıegeri atandy. Top quramyna taǵy da bir altyn medal syılaǵan 60 kg salmaqtaǵy dzıýdoıst qatardaǵy jaýynger Gýsman Qyrǵyzbaev boldy. Osy oraıda sporttyń atalǵan túrinen bizdiń sportshylar Meıirjan Qaltaev, Talǵat Ámirenov, Áshimhan Qajy, Qajymuqan Óteýlıev jáne Asan Mámbetqulov eki kúmis jáne úsh qola júlde enshiledi. Esterińizge sala ketsek, TMD elderiniń dostas armııalar arasyndaǵy Alǵashqy áskerı-sport oıyndaryna Qazaqstan, Qyrǵyzstan, Tájikstan, Reseı, Belarýs jáne Armenııa armııalary sportshylarynan quralǵan komandalar qatysýda.
