TMD elderi arasynda zattaı dáleldemelerdi berý tetikteri aıqyndaldy

ASTANA. QazAqparat - TMD-ǵa qatysýshy memleketterdiń qylmystylyqqa qarsy kúrestegi yntymaqtastyǵynyń tıimdiligi nyǵaıa túsedi. Bul týraly Parlament Májilisiniń jalpy otyrysynda aıtyldy, dep habarlaıdy QazAqparat.

Atap aıtqanda, búgin jalpy otyrys barysynda palata depýtattary «Qylmystyq ister boıynsha zattaı dáleldemeler bolyp tabylatyn esirtki quraldaryn, psıhotroptyq zattar men olardyń prekýrsorlaryn, atys qarýyn, onyń negizgi bólikterin, oq-dárilerdi, jarylǵysh zattar men jarǵysh qurylǵylardy berý tártibi týraly hattamany ratıfıkatsııalaý týraly» zań jobasyn talqylady.

«Hattamaǵa 2017 jyly qazanda TMD basshylary qol qoıdy. Hattamany qabyldaý - saýalnamalardy rásimdeý jáne oryndaý tetikterin retteýge múmkindik beredi. Atalǵan memleketter arasynda zattaı dáleldemelerdi berý, saqtaý jáne qaıtarýdy qamtamasyz etedi. Qazirgi ýaqytta zattaı dáleldemeler berýge qatysty quqyqtyq qarym-qatynas Mınsk jáne Kıshınev konventsııalary arqyly rettelmeıdi. Osy hattamany iske asyrý elimizdiń quzyretti organdaryna júkteledi», - dedi zań jobasy boıynsha baıandama jasaǵan QR Іshki ister mınıstri Qalmuhanbet Qasymov.

Onyń sózine qaraǵanda, zańnamany qabyldaý qosymsha qarjy shyǵynan qajet etpeıdi. Áleýmettik-ekonomıkalyq ári quqyqtyq turǵyda qıyndyqtar týdyrmaıdy.

Atap aıtqanda, hattamany ratıfıkatsııalaý TMD-ǵa qatysýshy memleketterdiń qylmysqa qarsy kúrestegi yntymaqtastyǵynyń tıimdiligin arttyrady. Osyǵan oraı bul qujat zattaı dáleldemeler bolatyn esirtkilerdi, psıhotroptyq hattar men atys qarýyn, jarylǵysh zattaryn berý kezinde ózara is-qımyl jasaý tártibin aıqyndaıdy.

Talqylaýdan keıin palata depýtattary zań jobasyn maquldady.