TMD Ekonomıkalyq sotynyń sýdıasy V. Seıtimova qyzmetinen bosatylady

ASTANA. QazAqparat - Búgin QR Parlamenti Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótti. Onda komıtet músheleri TMD Ekonomıkalyq sotynyń sýdıasy Venera Seıtimovany basqa qyzmetke taǵaıyndalýyna baılanysty qyzmetinen bosatý týraly máseleni qarady.

Jıyn barysynda belgili bolǵanyndaı, búgingi tańda TMD Ekonomıkalyq soty taratylýdyń aldynda tur. Óıtkeni, Mınsk qalasynda EýrAzEQ soty qyzmet etýine baılanysty TMD Ekonomıkalyq sotynda qaralatyndaı esh máseleler týyndamaǵan. ıAǵnı, TMD deńgeıindegi sottyń ornyna EýrAzEQ soty qyzmet etip keledi.

Al TMD Ekonomıkalyq sotynyń túpkilikti jumysyn toqtatý týraly másele memleketter basshylary deńgeıinde qaralý ústinde. QR Joǵarǵy soty Azamattyq jáne ákimshilik ister jónindegi qadaǵalaý sot alqasynyń tóraǵasy Elis Ábdiqadyrovtyń aıtýynsha, halyqaralyq sottaǵy qazaqstandyq ókil V. Seıtimova basqa jumysqa aýysýyna baılanysty qyzmetinen bosatylatyn bolady.

Talqylaýdan soń, komıtet músheleri máseleni Senattyń jalpy otyrysyna shyǵarý týraly sheshim qabyldady. Eske sala keteıik, QR Konstıtýtsııasyna sáıkes, QR Prezıdentiniń usynysy boıynsha QR Joǵarǵy sotynyń sýdıalaryn qyzmetinen bosatý Senattyń erekshe qaraýyna jatady.