TMD-daǵy 5G keleshegi: Astanada radıobaılanys boıynsha HEO óńirlik semınary ótip jatyr
ASTANA. KAZINFORM - Astanada TMD elderi men kórshiles memleketter úshin radıobaılanys boıynsha HEO óńirlik semınary bastaldy.
2024 jylǵy 15-19 sáýir aralyǵynda ótetin is-sharada memlekettik organdar men retteýshi agenttikter, baılanys operatorlarynyń ókilderi, qural-jabdyq óndirýshiler men sala sarapshylary óńirdegi radıobaılanys salasy aldynda turǵan ózekti máseleler men syn-qaterlerdi talqylaý úshin bas qospaq.
Semınardyń maqsaty — 5G jelilerin ornalastyrý konteksinde radıojıilik spektrin basqarý, jańa qosylý tehnologııalaryn engizý jáne barlyq jıilik dıapazondarynyń múmkindikterin barynsha paıdalaný boıynsha tájirıbe almasý jáne ózekti bilim berý.
Іs-shara aıasynda ótken «Spektrdi qazirgi zamanǵy basqarý» forýmynda sala sarapshylary TMD elderinde, onyń ishinde Qazaqstandaǵy 5G damý keleshegin talqylady.
Jetekshi mamandar óz baıandamalarynda, ásirese 5G tehnologııasyna kóshý kezinde baılanys jelileriniń turaqty jumysyn qamtamasyz etý úshin radıojıilik spektrin tıimdi basqarýdyń mańyzdylyǵyn atap ótti.
«5G júıesi jyldamdyqty aıtarlyqtaı arttyrýdy, kidirtýdi azaıtýdy jáne qaýipsizdikti jaqsartýdy qamtamasyz etetin, tutynýshylarǵa paıda ákeletin eń sońǵy ozyq, zamanaýı qoldanbalar men qyzmetterdi engizýge múmkindik beretin tehnologııalyq mobıldi symsyz baılanystyń jańa umtylysy bolyp tabylady, - dep atap ótti QR TsDIAÓM telekommýnıkatsııalar komıtetiniń tóraǵasy Erjan Meıramov. — Qazaqstandaǵy 5G jelileri úshin jıilik aýktsıonyn ótkizý kezinde mıllıonnan astam halqy bar úsh qalada: Astana, Almaty jáne Shymkentti 75%-ǵa qamtıtyn jáne 2027 jylǵa deıin barlyq aımaqtyq iri qalalarda 65%-dyq qamtıtyn 5G jelisin ornalastyrý jospary boldy. Biz qazir Memleket basshysynyń tapsyrmasyna sáıkes bul merzimderdi qysqartý boıynsha jumys istep jatyrmyz jáne bul jumysty 2025 jyldyń sońyna deıin aıaqtaýdy josparlap otyrmyz».
Forýmda jıilik resýrstaryna suranystyń artýy men olardy tıimdi paıdalanýdy qamtamasyz etý qajettiligin eskere otyryp, radıojıilik spektrin retteý jáne basqarý máseleleri de kóterilip, talqylandy.
«Qazaqtelekom» AQ ınnovatsııalar jónindegi bas dırektory Nurlan Meıirmanovtyń aıtýynsha, baılanys ınfraqurylymyn keshendi damytý, onyń ishinde «aqtańdaqtar» dep atalatyn segmentterde, derekterdi jiberýdiń joǵary jyldamdyǵymen jáne senimdi baılanyspen qamtamasyz ete alatyn jańa býyn jelilerin ornalastyrý úshin qajetti jaǵdaılar jasalýy qajet.
Sondaı-aq, sarapshy óz sózinde radıojıilik resýrstaryn tıimdirek paıdalanýdy qamtamasyz etý jáne túpki paıdalanýshylarǵa kórsetiletin qyzmetterdiń sapasyn arttyrý úshin kommýnıkatsııa salasyna shetki esepteýlerdi jáne basqa da zamanaýı tsıfrlyq tehnologııalardy belsendi engizý qajettigin atap ótti.
Semınarda eń kóp talqylanǵan máseleniń biri — 5G standartyna negizdelgen kommýnıkatsııalardy damytý keleshegi boldy, onyń ishinde qamtý, derekterdi jiberý jyldamdyǵy jáne jańa qyzmetter men qosymshalardy ornalastyrý úshin ártúrli jıilik dıapazondarynyń múmkindikteri máseleleri kóterildi.
Ósip kele jatqan suranys jaǵdaıynda joǵary jyldamdyq pen senimdi baılanysqa qol jetkizýdi qamtamasyz etýde negizgi ról atqaratyn qosylýdyń jańa tehnologııalaryna erekshe nazar aýdaryldy.
«5G-de barlyq jıilikterdi paıdalaný tsıfrlyq ekonomıka men jalpy qoǵamnyń damýynyń katalızatory bolatyn baılanystyń keremet jyldamdyǵy men senimdiligine jol ashady. Barlyq dıapazondardyń 5G-ge kóshýi jedeldetilýde, buǵan Huawei usynǵan Sub 3 GGts NR sheshimi de yqpal etti degen oıdamyz. Sondaı-aq ortasha jıilik dıapazonynyń 5G ornalastyrý úshin negizgi jahandyq tańdaýǵa aınalǵanyn atap ótý qajet. Muny 5G spektrin alǵan 118 eldiń 308 operatory rastap otyr», — deıdi Huawei kompanııasynyń symsyz tehnologııalar boıynsha jetekshi sarapshysy Dmıtrıı Konarev.
Sarapshylar spektr resýrstaryn tıimdi paıdalanýdy qamtamasyz etý jáne jańa tehnologııalardy engizýdiń kelisilgen tásilderine qol jetkizý úshin radıobaılanys salasyndaǵy elder arasyndaǵy yntymaqtastyqtyń mańyzyn atap ótti.
Óńirlik semınar men forým ózara túsinistikti nyǵaıtýǵa jáne óńirdegi radıobaılanys salasyndaǵy yntymaqtastyqty odan ári jalǵastyrýǵa yqpal ete otyryp, tájirıbe, ıdeıalar men ozyq tájirıbelermen almasý alańyna aınaldy.
