TMD baıqaýshylarynyń mıssııasy Ózbekstandaǵy parlamenttik saılaýdy ashyq ótti dep tanydy
TAShKENT. Jeltoqsannyń 28-i. QazAqparat /Qurmat Samarhan/ - TMD baıqaýshylarynyń mıssııasy Ózbekstandaǵy parlamenttik saılaýdy ashyq jáne erkin ótti dep tanydy. Bul týraly dúısenbi, jeltoqsannyń 28-i kúni baspasóz máslıhatynda mıssııa jetekshisi Sergeı Lebedev málim etti.
«Mıssııa, jeltoqsannyń 27-sinde Olıı Majlıstiń zań shyǵarýshy palatasyna ótken saılaýdy respýblıkada demokratııalyq saılaý ótkizýdiń zańnamalyq jáne jalpyǵa ortaq normalaryna ıe Ózbekstan Respýblıkasy Konstıtýtsııasyna sáıkes ótti, dep sanaıdy. Dostastyq mıssııasy sondaı-aq, saılaýdyń azamattyq qoǵamnyń saıası sanalyǵyn kórsetip, saılaýshylardyń óz erikterin ashyq bildirýin qamtamasyz etkenin, eldegi memlekettik egemendik pen demokratııalyq qaǵıdalardyń negizin nyǵaıta túskenin atap kórsetti»,- dedi S.Lebedev.
Mıssııa basshysynyń aıtýynsha, baıqaýshylardyń jumysyna barlyq jaǵdaı jasaldy, atap aıtqanda saılaý okrýgteri men ýchaskeleriniń basshylarymen, saılaýǵa qatysýshy partııalardyń ókilderimen kezdesýler uıymdastyryldy. Dostastyq baıqaýshylarynyń atynan qatysqan baıqaýshylar mıssııasynyń málimdemesine Ázirbaıjan, Belarýs, Qazaqstan, Qyrǵyzstan, Reseı, Túrikmenstan elderiniń ókilderi qol qoıdy.
