TMD baıqaýshylary mıssııasynyń quramyna 301 adam kirip otyr - O. Kýleba

ASTANA. QazAqparat - Qazaqstan Parlamenti Májilisiniń jáne jergilikti máslıhattardyń depýtattaryn saılaý naýqanyn qadaǵalaýǵa kelgen TMD baıqaýshylary mıssııasynyń quramyna 301 adam kirip otyr.

Bul týraly búgin QR OSK brıfınginde TMD atynan kelgen baıqaýshylar shtaby basshysynyń orynbasary Oleg Kýleba málim etti.

«Keshe shetel baıqaýshylaryn akkredıtteý merzimi aıaqtaldy. Qazaqstan Parlamenti Májilisiniń jáne jergilikti máslıhattardyń depýtattaryn saılaý naýqanyn qadaǵalaýǵa kelgen TMD baıqaýshylary mıssııasynyń quramyna 301 adam kirip otyr. Olardyń ishinde Ázerbaıjan, Armenııa, Belarýs, Moldova, Reseı, Tájikstan, Túrkimenstan jáne Ózbekstan ókilderi bar. Sonymen qatar TMD múshe-memleketterdiń parlamentaralyq assambleıasynan, UQShU parlamentaralyq assambleıasynan, Reseı jáne Belarýs odaǵynyń parlamentaralyq assambleıasy men TMD-niń Atqarýshylyq komıtetinen keldi», - dedi O. Kýleba.

Osylaısha, onyń sózi boıynsha, TMD baıqaýshylary mıssııasy Dostastyq elderiniń saıası jáne qoǵamdyq kúshteriniń tolyq qamtyp otyr.