TMD baıqaýshylary Armenııadaǵy saılaýdy ashyq ári básekeli dep atady
SANKT-PETERBOR. 20 aqpan. QazAqparat - TMD elderi baıqaýshylarynyń mıssııasy Armenııada ótken prezıdenttik saılaýdy «ashyq ári básekeli» dep atady.
«Armenııa Respýblıkasyndaǵy saılaý halyqaralyq normalarǵa sáıkes ótti jáne ashyq ári básekeli boldy, al tirkelgen buzýshylyqtar jappaı sıpatta bolǵan joq», - dep málimdedi Erevanda ótken baspasóz máslıhatynda TMD elderi baıqaýshylary mıssııasynyń basshysy Sergeı Lebedev.
«Baıqaýshylar saılaý barysynda jol berilgen barlyq buzýshylyqtar demokratııalyq saılaýdyń basty quramdastary - ashyqtyqqa, tańdaý jasaý erkindigine jáne saıası jaryssózderge bolmashy áser etti degen ortaq pikirge keldi», - dep habarlady TMD Parlamentaralyq assambleıasynyń baspasóz qyzmetinen.
«Baıqaýshylar tirkegen buzýshylyqtar bolmashy, al saılaý - ashyq boldy. Ásirese, Armenııa Respýblıkasy OSK-niń tamasha jumysyn atap ótkim keledi», - dep keltirilgen baspasóz habarlamasynda TMD PAA Bas hatshysynyń orynbasary - Qyrǵyzstan Respýblıkasy Jogorký Keneshiniń ókili Nurbek Satybaldıevtiń sózderi.
