TMD baıqaýshylary aldaǵy saılaýǵa daıyndyq barysyn joǵary baǵalady

ASTANA. QazAqparat - QR Syrtqy ister mınıstriniń orynbasary Ermuhambet Qonyspaev prezıdent saılaýyn baıqaý úshin elimizge kelgen Táýelsiz Memleketter Dostastyǵy Parlamentaralyq Assambleıasynyń halyqaralyq baıqaýshylary tobymen kezdesti. Bul týraly QazAqparat SІM silteme jasap habarlaıdy.

Kezdesý barysynda E. Qonyspaev ashyq jáne ádiletti saılaý ótkizý Qazaqstannyń odan ári demokratııalyq damýy úshin túbegeıli mánge ıe ekenin erekshe atap ótti.

Qazaqstan saılaý protsesiniń ashyqtyǵyn qamtamasyz etý boıynsha óziniń halyqaralyq mindettemelerine berik ekeni, sondaı-aq halyqaralyq áriptestermen osy baǵytta yntymaqtastyqty nyǵaıtýǵa múddeli ekeni atalyp ótildi. Osyǵan baılanysty halyqaralyq baıqaýshylar tetigin keńinen iske qosýǵa mańyzdy mán beriledi.

TMD PAA baıqaýshylary aldaǵy saılaýǵa daıyndyq barysyn joǵary baǵalaı otyryp, elimizde ashyq jáne kedergisiz halyqaralyq baıqaý úshin tıisti sharalar qabyldanǵanyn atap ótti.