TMD baıqaýshylar mıssııasy saılaý kezindegi Qazaqstan prokýratýrasynyń zańdylyqty qamtamasyz etý sharalarymen tanysty
QR Bas prokýratýranyń baspasóz qyzmetiniń habarlaýynsha, kezdesý barysynda taraptar Qazaqstan Respýblıkasy Parlamenti Májilisiniń jáne máslıhattar depýtattaryn kezekten tys saılaý kezeńindegi zańdylyqty qamtamasyz etý máselelerin talqylady.
Bas Prokýror suhbattasýshyny elektoraldyq protsestiń zańdylyǵyn qamtamasyz etý boıynsha prokýrorlar qabyldaǵan uıymdastyrýshylyq sharalar, túsken shaǵymdardyń sıpaty jáne olardy sheshý nátıjeleri týraly aqparattandyrdy.
A.Daýylbaev jalpy saılaý naýqany quqyqtyq óris aıasynda ótip jatqanyn jáne prokýrorlardyń saılaý týraly zańnamany óreskel buzýshylyqtar tirkemegenin atap ótti.
E.Sloboda TMD Baıqaýshylar mıssııasy jumysynyń fýnktsııasy men maqsattary týraly baıandady, Qazaqstandaǵy Parlament Májilisiniń depýtattaryn kezekten tys saılaýdy daıyndaý men ótkizýge qatysty áserimen bólisti.
Taraptar memlekettik organdardyń, onyń ishinde prokýratýra organdarynyń saılaýdyń aıqyndyǵyn qamtamasyz etý boıynsha kúsh-jigerin atap kórsetti.
«A.Daýylbaev Bas prokýratýranyń elektoraldy kezeńde zańdylyqty qamtamasyz etýmen baılanysty barlyq máseleler boıynsha halyqaralyq baıqaýshylarmen syndarly suhbatqa daıyn ekenin atap ótti», delingen habarlamada.
