TMD Bas hatshysy úsh jyldyq merzimge qaıta saılandy

ASTANA.KAZINFORM - TMD Bas hatshysy Sergeı Lebedev TMD memleket basshylarynyń sheshimimen bul qyzmetke taǵy úsh jyldyq merzimge taǵaıyndaldy, dep habarlaıdy Kazinform tilshisi.

- Memleket basshylary keńesiniń sheshimimen taǵy úsh jyldyq merzimge Dostastyqtyń bas hatshysy bolyp taǵaıyndaldym, - dedi Sergeı Lebedev Dýshanbede ótken TMD Memleket basshylary keńesiniń otyrysynda.

Ol memleket basshylaryna joǵary senimi úshin alǵys aıtyp, TMD elderi men halyqtary arasyndaǵy dostyq jáne tatý kórshilik qarym-qatynastardy saqtaý jáne nyǵaıtý jónindegi jumysty jalǵastyrýǵa ýáde berdi.

Buǵan deıin Qazaqstan prezıdenti Qasym-Jomart Toqaev Dýshanbede ótken TMD Memleket basshylary keńesiniń otyrysynda TMD-nyń álemdik arenadaǵy bedelin nyǵaıtýdyń mańyzdylyǵyn atap ótken bolatyn.