TMD aıasynda ónerkásiptik óndiristiń ósýi boıynsha Ózbekstan kóshbasshy
SANKT-PETERBOR. Qarashanyń 5-i. QazAqparat /Elena Mıagkova/- 2009 jyldyń qańtar-qyrkúıek aralyǵynyń qorytyndysy boıynsha Dostastyq elderiniń arasynda ónerkásiptik óndiristiń eń úlken ósýi Ózbekstanda jáne Ázirbaıjanda tirkelip otyr.
Atalǵan respýblıkalardyń kórsetkishteri, sáıkesinshe, 9,1 jáne 5 paıyzdy qurady. QazAqparat tilshisine bul týraly Táýelsiz Memleketter Dostastyǵynyń Memleketaralyq statıstıkalyq komıtetinen habarlady.
Esesine, ónerkásiptik óndiristegi eń úlken quldyraý - 28,4 paıyzdyq - Ýkraınada jáne 24,3 paıyzdyq kórsetkish - Moldovada tirkelip otyr. Reseı ónerkásiptik quldyraý qarqyny boıynsha 13,5 paıyz kórsetkishpen úshinshi orynda tur.
Ónerkásiptik óndiris Qyrǵyzstanda -11,5 paıyzǵa, Armenııada - 11,4 paıyzǵa, Tájikstanda -10 paıyzǵa, Belarýs Respýblıkasynda - 4,5 paıyzǵa, Qazaqstanda - 1 paıyzǵa qysqaryp otyr.
2009 jyldyń qańtar-qyrkúıek aılarynda TMD elderi boıynsha ónerkásiptik óndiris kólemi, byltyrǵy jyldyń sáıkes kezeńimen salystyrǵanda, 14 paıyzǵa qysqarǵan. Túrkimenstan boıynsha ónerkásiptik óndiristiń dınamıkasy týraly málimet joq.
Al jalpy ishki ónim, byltyrǵy jyldyń sáıkes kezeńimen salystyrǵanda, 9 paıyzǵa qysqaryp otyr.
