TMD aıasynda bólshek taýar aınalymynyń eń úlken ósimi Tájikstanda tirkelip otyr - І toqsannyń qorytyndysy boıynsha
SANKT-PETERBOR. Mamyrdyń 6-sy. QazAqparat /Elena Mıagkova/ - 2010 jyldyń І toqsanynda Táýelsiz Memleketter Dostastyǵy elderinde bólshek taýar aınalymy, 2009 jyldyń sáıkes kezeńimen salystyrǵanda, orta eseppen 2 paıyzǵa ósti, dep habarlady Dostastyqtyń Memleketaralyq statıstıkalyq komıtetinen.
Aǵymdaǵy jyldyń naýryz aıyndaǵy kórsetkish boıynsha, TMD elderi boıynsha bólshek saýdanyń aınalymy, 2009 jyldyń naýryz aıymen salystyrǵanda, orta eseppen 4 paıyzǵa, aqpan aıymen salystyrǵanda - 9 paıyzǵa ósip otyr.
Eseptik kezeńde Dostastyq elderiniń arasynda bólshek taýar aınalymynyń eń úlken ósimi -20,9 paıyz kórsetkish - Tájikstanda tirkeldi. Belarýs elinde bólshek saýda aınalymy - 13,3 paıyzǵa, Qazaqstanda - 10,5 paıyzǵa, Ázirbaıjanda - 8,3 paıyzǵa, Qyrǵyzstanda - 3,8 paıyzǵa, Moldovada - 6,2 paıyzǵa, Reseıde - 1,3 paıyzǵa, Armenııada - 1 paıyzǵa ósip otyr. Al Ýkraınada bólshek taýar aınalymy 2,7 paıyzǵa tómendegen.
