TMD aýmaǵynda ótkizilgen is-shara barysynda izdeýde júrgen 304 qylmysker anyqtaldy - ІІM

ASTANA. 23 qazan. QazAqparat - Táýelsiz Memleketter Dostastyǵy elderiniń aýmaǵynda ótkizilgen «Іzdestirý» birlesken is-sharasy barysynda izdeýde júrgen 304 qylmysker anyqtaldy.

Bul týraly búgin QR Іshki ister mınıstrliginde ótken baspasóz máslıhatynda vedomstvonyń resmı ókili Nurdildá Oraz málim etti.

«Jedel-aldyn alý sharalary Qylmys jasaǵany úshin aıyptalyp, aldyn ala tekserý, tergeý jáne sot organdarynan boı tasalap júrgen tulǵalardy izdestirý ári ustaý, sondaı-aq, iz-tússiz joǵalǵandardyń júrgen jerin anyqtaý maqsatynda Táýelsiz Memleketter Dostastyǵy elderiniń aýmaǵynda «Іzdestirý» birlesken is-sharasy ótkizildi. Shara barysynda izdeýde júrgen 304 qylmysker anyqtalyp, ustaldy, onyń 17-si respýblıka aýmaǵynan tys jerlerde qolǵa tústi», - dep atap ótti N.Oraz.

Onyń aqparaty boıynsha, qazaqstandyq polıtseıler izdeýde júrgen 60 qylmyskerdi ustady. Osy negizde Astana qalasynda kórshiles memlekettiń azamaty quryqtaldy. Oǵan Tashkent qalasynyń ІІB 2006 jyly adam saýdasymen aınalysqany úshin izdeý jarııalanǵan. Іs-shara barysynda Reseı Federatsııasynyń Stavropol ólkesinen 2011 jyldyń qazanynda Óskemen qalasynda tapsyryspen adam óltirýdi uıymdastyrǵan Qazaqstan azamatyn qolǵa túsirý múmkin boldy.