TMD aýmaǵynda Qazaqstannyń ishki ister organdarynda izdeýde júrgen 168 qylmysker ustaldy
ASTANA. Qazannyń 26-sy. QazAqparat /Gúlmıra Álıakparova/ - Qazannyń 21-23-i kúnderi aralyǵynda TMD aýmaǵynda Qazaqstan Respýblıkasy ishki ister organdarynda izdeýde júrgen 168 qylmysker anyqtalyp, tutqyndaldy.
TMD elderinde ótken «Іzdeý» operatsııasynyń nátıjesi búgin QR Іshki ister mınıstrliginde ótken aptalyq brıfıngte jarııalandy, dep habarlaıdy QazAqparat.
Belgili bolǵandaı, aýyr jáne asa aýyr qylmys jasaǵandardy izdep-tabý jumystarynyń tıimdiligin arttyrý maqsatynda ústimizdegi jylǵy qazannyń 21-23-i kúnderi TMD elderiniń Іshki ister mınıstrlikterimen birlesip «Іzdeý» is-sharasy ótkizildi.
Onyń barysynda Qazaqstan Respýblıkasy ishki ister organdarynda izdeýde júrgen 168 qylmysker ustaldy. Máselen, Jambyl oblysy Іshki ister deparatamenti Krımınaldyq polıtsııa basqaramasynyń izdeý tapsyrysymen Tashkent oblysynyń Іshki ister basqarmasynyń qyzmetkerleri 2008 jyly Taraz qalasynda zorlaý jáne urlaý qylmystaryn jasaǵan osy qalanyń 19 jasar turǵynyn qolǵa túsirdi.
Al TMD quqyq qorǵaý organdary úshin Qazaqstan aýmaǵynda 46 qylmysker anyqtalyp, ustaldy. Atap aıtqanda, Reseı Federatsııasyna - 31, Ózbekstan Respýblıkasyna - 8, Armenııaǵa - 3, Túrikmenstanǵa - 2 jáne Grýzııa men Ýkraınaǵa bir-bir qylmyskerden tapsyryldy.
