Til janashyrlary bir jylda 5 mln tal ekken: Prezıdent «Dala ormany» jobasyn qoldady
ASTANA. KAZINFORM — Memleket basshysy Qasym-Jomart Toqaev Úkimet pen ákimdikterge «Dala ormany» jobasyna qoldaý bildirýdi tapsyrdy. Bul «Qazaq tili» uıymynyń «Taza Qazaqstan» jobasyna qosqan naqty úlesi bolmaq.
— Maǵan keshe «Qazaq tili» qoǵamynyń basshysy Raýan Kenjehanuly «Dala ormany» degen jaqsy jobany tanystyrdy. Bul uıym bir jyldyń ishinde seriktesterimen birge 400 gektar jerge 5 mıllıon tal ekken. Osy jumystyń nátıjesinde elimizdiń úsh oblysynda 4 úlken orman pıtomnıgi qurylǵan, — dedi Prezıdent «Qazaq tili» qoǵamynyń H quryltaıynda.
Prezıdent onyń aýqymyn odan ári keńeıtýdi tapsyrdy. Uıym ár aýyldyń mańynan 25, aýdan ortalyǵynyń qasynan 50, al úlken qalalardyń mańaıynan 100 gektardan kóshetter ósiretin saıabaqtar ashýdy josparlap otyr.
— Men muny tolyq qoldaımyn. Durys bastama. Úkimet pen ákimdikter de bul jumysqa atsalysýy qajet. Osy jobanyń arqasynda Qazaqstandaǵy orman alqabyn 14,5 mıllıon gektarǵa deıin ulǵaıtýǵa múmkindik týady. Bul «Qazaq tili» uıymynyń «Taza Qazaqstan» jobasyna qosqan naqty úlesi bolmaq. Qazaqtyń dalasy ormanǵa aınalmaıdy dep kim aıtty?! Ormandy ósirý de, dalany jaınatý da bizdiń qolymyzdan keledi. Sondyqtan «Dala ormany» jobasyn sapaly júzege asyrý óte mańyzdy. Bárimiz qoldaıyq, — dedi Qasym-Jomart Toqaev.
Aıta keteıik, Memleket basshysy Qasym-Jomart Toqaev Halyqaralyq «Qazaq tili» qoǵamynyń H quryltaıynda sóz sóılep jatyr.
Prezıdent qazaq tiliniń abyroı-bedelin arttyrý úshin tabandy jumys isteý kerektigin aıtýda.
Jańa Konstıtýtsııada «Táýelsizdik» jáne «Egemendik» sózderin bas árippen jazylatyn boldy.
