Tikushaq pen qymbat kólikter korteji: Jańaózendegi túlekterdiń áreketi tekseriledi
ASTANA. KAZINFORM – Oqý-aǵartý mınıstri Juldyz Súleımenova Jańaózendegi mektep túlekteriniń áreketine qatysty áleýmettik jelide taraǵan vıdeo jónindegi suraqqa jaýap berdi.
Jelide taraǵan málimetke qaraǵanda, kortejde avtokóliktermen qatar, tikushaq ta bolǵan.
- Men bul vıdeony áli kórgen joqpyn. Biraq Oqý-aǵartý mınıstrligi men jergilikti atqarýshy organdardyń birlesken buıryǵy (mektep bitirý keshterin uıymdastyrýǵa tyıym salyndy) mindetti oryndalatyn sıpatta ekenin atap ótkim keledi. Eger bul jaǵdaı qoǵamdyq tártipke qatysty bolsa, balalar qaýipsizdigi erejeleri buzylsa, onda zańnamaǵa sáıkes bul áreket tekseriledi, - dedi J. Súleımenova Úkimet otyrysynan keıin tilshiler suraǵyna jaýap bere otyryp.
Budan buryn habarlanǵandaı, meıramhanalarda, kafelerde, banket zaldarynda mektep bitirý keshterin uıymdastyrýǵa jáne zańsyz qarajat jınaýǵa tyıym salyndy. Osyǵan baılanysty Oqý-aǵartý mınıstrligi men jergilikti atqarýshy organdardyń birlesken buıryǵy qabyldandy.
Atap aıtqanda, Almatyda túlekter avtokorteji toqtalyp, 21 ata-ana jaýapqa tartyldy.
