Tikushaq apaty: Jansaqtaý bóliminde jatqan eki adam palataǵa aýystyryldy

AQTÓBE. KAZINFORM – Aqtóbede tikushaq apaty kezinde jaraqat alǵan eki áskerı qyzmetkerdiń jaǵdaıy áli de dárigerler baqylaýynda. Eki naýqas ta jansaqtaý bóliminen palataǵa aýystyryldy. 

Aqtóbe oblystyq densaýlyq saqtaý basqarmasy baspasóz qyzmeti eki naýqastyń jaǵdaıy týraly aıtty.

– Eki patsıent palataǵa aýystyryldy. Jaraqattaryna baılanysty ekeýiniń de jaǵdaıy ortasha aýyr. Qazir em alyp jatyr, - dep habarlady Aqtóbe oblystyq densaýlyq saqtaý basqarmasy baspasóz qyzmeti.

Eske salsaq, ushaq apaty kezinde áskerı ınstıtýttaǵy avıatsııalyq eskadrılıasynyń komandıri maıor Bıbarys Ibraev pen oqý-jattyǵý avıatsııalyq ortalyǵynyń aǵa ushqysh-nusqaýshysy aǵa leıtenant Rústem Nyǵmetov jaraqat aldy. 

Tikushaq apaty kezinde qaza tapqan Batyr Orazymbetovti keshe áskerı ınstıtýt ujymy aqtyq saparǵa shyǵaryp saldy. Osy oqıǵadan soń qylmystyq is qozǵalyp, tergeý júrip jatyr.