Tikushaq apaty: Qorǵanys mınıstrligi apattyń ártúrli nusqasyn qarastyryp jatyr

ASTANA. KAZINFORM – Qorǵanys mınıstrligi birer kún buryn Aqtóbe oblysynda MI-8 tikushaǵynyń apatqa ushyraý sebebiniń birneshe nusqasyn boljap otyr. Bul týraly Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy Sultan Qamaletdınov málim etti.

«Ókinishke qaraı, mundaı faktiler bolyp turady. Qazir tergeý sharalary júrip jatyr. Komıssııa jumysynan keıin nátıjesi belgili bolady. Aldyn ala málimetter boıynsha, ártúrli nusqalar, sonyń ishinde tehnıkanyń isten shyǵýy qarastyrylyp jatyr. Jalpy alǵanda, kez-kelgen tehnıkanyń isten shyǵý qaýpi bar. Atalǵan tikushaq eń senimdi bolyp sanalady jáne álemniń 50-den astam elinde qoldanylady», - dedi Sultan Qamaletdınov elordada ótken Digital army day is-sharasy barysynda. 

Eske sala ketsek, 9 qarashada Aqtóbe oblysy Mártók aýdanıa Saryarqa aýyly mańynda áskerı tikushaq janyp, bortta bolǵan bir adam mert bolǵan edi. Ekeýi aýrýhanaǵa jetkizildi. 

Aqtóbe oblysynyń ákimdigi tikushaq apatynan zardap shekkenderge kómek kórsetiletini týraly habarlady. 

Іzin sýytpaı Aqtóbede tikushaq apatyna baılanysty qylmystyq is qozǵaldy.