Tikushaq apaty: Aqtóbelik dárigerler zardap shekkenderdiń jaǵdaıyn aıtty

AQTÓBE. KAZINFORM — Aqtóbe oblystyq kópsalaly aýrýhana dárigerleri qazir kúıik shalǵan, jaraqat alǵan eki adamdy emdep jatyr. 

— Eki naýqastyń da jaǵdaıy turaqty aýyr. Bir naýqastyń qolyn kúıik shalǵan. Onyń moıyn omyrtqasy synǵan. Ekinshisi naýqastyń keýde tusy, ókpesi zaqymdanǵan. Onyń da qolyn kúıik shalǵan, — dedi Kópsalaly oblystyq aýrýhananyń bas dárigeriniń orynbasary Azamat Týrýshev. 

Eske salsaq, búgin Mártók aýdany Saryjar aýylynda tikushaq apatqa ushyryp, janyp ketti.

Bortta úsh adam bolǵan. Onyń bireýi oqıǵa ornynda kóz jumdy. 

Eki naýqasty kúıik shalǵan. Olar Aqtóbe oblystyq kópsalaly aýrýhanada em qabyldap jatyr. Ázirge naýqastardyń aty-jóni belgisiz.