Tikushaq apaty: Aqtóbe ákiminiń orynbasary zardap shekkenderdiń jaǵdaıyn bildi

ASTANA. KAZINFORM — Óńir basshysynyń tapsyrmasymen oblys ákiminiń orynbasary Joldas Batyrhan Aqtóbedegi Kópsalaly oblystyq aýrýhanaǵa bardy. Bul týraly ákimdiktiń baspasóz qyzmeti málimdedi.

Munda ol Saryjar aýyly mańynda oryn alǵan tikushaqtyń apatty jaǵdaıda qonýynan zardap shekken azamattardyń jaǵdaıyn bildi.

Dárigerlerdiń aıtýynsha, eki azamat qazirgi ýaqytta jansaqtaý bólimshesinde jatyr. Jaǵdaılary turaqty aýyr dep baǵalanýda.

«Búgingi jaǵdaıǵa baılanysty marqum bolǵan azamattyń ata-anasyna, aǵaıyn-týysyna, jaqyndaryna kóńil aıtamyz. Jańa ǵana marqumnyń otbasyna baryp, kóńilimizdi bildirdik. Oblys ákimdigi tarapynan barlyq qajetti qoldaý kórsetiletindigin jetkizdik. Atalǵan másele boıynsha is qozǵalyp, tıisti sheshimder qabyldanady»,  — dedi ol BAQ ókilderine bergen suqbatynda.

Eske salaıyq, búgin Aqtóbe oblysy Mártók aýdany Saryjar aýyly mańynda tikushaq apatty jaǵdaıda qondy.

Japa shekkender shuǵyl aýrýhanaǵa jetkizildi. Bir adam 103 qyzmeti kelgenge deıin qaza tapty.