TKShQ, aýyl sharýashylyǵy, bilim berý, áleýmettik baǵyttaǵy memlekettik jobalar men baǵdarlamalardyń júzege asyrylýy respondentterdiń úlken syn eskertpelerine ushyrady - saýalnama
Saýalnama qorytyndysyna sáıkes, qazaqstandyqtardyń 97 paıyzy ústimizdegi jyldyń 11 qazanyndaǵy Úkimettiń keńeıtilgen otyrysynda Memleket basshysynyń Úkimet pen jergilikti atqarý organdaryn qatań synǵa alýynan keıin olardyń halyqtyń ótkir máselesin sheshý jónindegi jumystary neǵurlym belsendi bola tústi dep esepteıdi.
Saýalnamaǵa qatysqandardyń 97 paıyzy Prezıdenttiń tapsyrmalaryn oryndaý jónindegi Úkimet pen jergilikti atqarý organdarynyń qyzmeti týraly biledi.
TKShQ, aýyl sharýashylyǵy, bilim berý salalarynyń qyzmeti jáne áleýmettik baǵyttaǵy memlekettik jobalar men baǵdarlamalardyń júzege asyrylýy respondentterdiń úlken syn eskertpelerine ushyraǵan. Saýalnamaǵa qatysýshylardyń 90 paıyzy munyń sebebi, jekelegen sheneýnikterdiń jaýapsyzdyǵyna qatysty bolyp otyr dep esepteıdi.
Saýalnamaǵa qatysýshylardyń 72 paıyzdan astamy Elbasy synynan qorytyndy shyǵarý jónindegi neǵurlym sátti jumys ıgerilmeı qalǵan bıýdjettik qarajattar, jobalardyń qymbattaýy men durys qarjylandyrylmaýy úshin sheneýnikterdi jazalaýdy qarastyrǵan jańa zań jobasynyń ázirlenýi boldy dep eseptese, 84 paıyzy - jańa trassalyq dárigerlik qutqarý pýnktteriniń jyl sońyna deıin iske qosylatyndyǵy, 94 paıyzy - memlekettik qala qurylysy kadastrynyń birtutas júıesiniń engizilýi, 92 paıyzdan astamy - Memleket basshysynyń Úkimettiń keńeıtilgen otyrysynda bergen tapsyrmalaryn oryndaý boıynsha memlekettik organdardyń qyzmeti men problemalyq máselelerdi jarııalaý jónindegi BAQ-tar qyzmetiniń jaqsarýy dep eseptegen.
