TKSh jemqorlyq jaılaǵan salalardyń biri bolyp qalýda

ASTANA. QazAqparat - «Nur Otan» partııasy janyndaǵy Jemqorlyqqa qarsy is-qımyl jónindegi respýblıkalyq qoǵamdyq keńes músheleri turǵyn úı-kommýnaldyq baǵyty jemqorlyq jaılaǵan salalardyń biri ekenin atap ótti.

«Ahýaldy túzetý boıynsha «Nur Otan» partııasy fılıaldarynyń tyńǵylyqty nazary men ortalyq jáne jergilikti memelekettik organdardyń atqarǵan aýqymdy sharalaryna qaramastan, bizdiń sarapshylyq toptyń jergilikti jerlerdegi jaǵdaıdy zertteý men taldaýy TKSh jemqorlyq jaılaǵan salalardyń biri ekenin kórsetti», - QR Parlamenti Májilisiniń depýtaty Omarhan Óksikbaev.

Onyń aıtýynsha, ótken jyly 2012 jylmen salystyrǵanda jemqorlyq quqyq buzýshylyǵynyń 44 paıyzǵa ósimi, al sybaılas jemqorlyq qylmystarynyń 2,4 paıyzǵa artýy tirkeldi. Jalpy 2013 jyly TKSh bólimderiniń 28 basshysy jaýapkershilikke tartyldy.

«2013 jyly zańdy kúshine engen úkimder boıynsha jemqorlyq qylmystaryn jasaǵan ákimdikterdiń TKSh bólimderi basshylary men qyzmetkerleri, Qurylys jáne TKSh isteri komıtetiniń qyzmetkerleri arasynan jalpy 20 adam sottaldy. Para alý, laýazymdyq ókilettigin teris paıdalaný turǵysynda jazaǵa kezilgenderdiń sany artty», - dedi depýtat.