«TKSh jańǵyrtý» baǵdarlamasy qazaqstandyqtardyń baspana jaǵdaılarynyń sapasyn arttyrady
ASTANA. 4 qańtar. QazAqparat - Qazaqstanda turǵyndyq qarym-qatynastyń ońtaıly úlgisin qurýǵa baǵyttalǵan uzaq merzimdi baǵdarlama júzege asyrylýda.
Baǵdarlama turǵyn úı-kommýnaldyq qyzmetterdiń sapasyn arttyryp, halyqtyń turǵyndyq jaǵdaıyn yńǵaıly sharttarmen qamtamasyz etedi, dep habarlady pm.kz saıty.
2011 jyly ilki joba retinde iske qosylǵan «Turǵyn úı-kommýnaldyq sharýashylyqty jańǵyrtý» baǵdarlamasy qarjylandyrýdyń arnaıy tetikterin qurý arqyly termojańǵyrtýdy qosa alǵanda, kondomınıým obektileriniń ortaq múlkin jóndeýden ótkizýge múmkindik beredi. Búginniń ózinde eldegi turǵyndyq jaǵdaılardy abattandyrý boıynsha atqarylǵan jumystardyń aıtarlyqtaı nátıjesin baıqaýǵa bolady.
«Barlyq óńirlerde turǵyn úı-kommýnaldyq sharýashylyq keshenin qaıta jańǵyrtý, joldardy jóndeýden ótkizý men joldar salý, qalalar men aýyldardy abattandyrý boıynsha tarıhymyzda buryn bolmaǵan jańǵyrtý jumystary júrgizildi», - dep málim etti Elbasy Nursultan Nazarbaev partııanyń XIV sezinde.
«Qazaqstan Respýblıkasynyń 2011-2020 jyldarǵa arnalǵan Turǵyn úı-kommýnaldyq sharýashylyqty jańǵyrtý baǵdarlamasy aıasynda 81 myń shaqyrymnan astam jylý-elektr jáne gaz jetkizý jelilerin qaıta jańǵyrtý kózdelgen», - dep málim etti elimizdiń Úkimet basshysy Kárim Másimov «Nur Otan» partııasy parlamenttik fraktsııasynyń otyrysynda.
Turǵyn úı-kommýnaldyq sharýashylyqty qaıta jańǵyrtý men damytýdyń Qazaqstandyq ortalyǵy Qazaqstannyń Memlekettik-jekemenshik áriptestik ortalyǵymen birlese otyryp sý jetkizý men kanalızatsııa, gaz jetkizý, elektrmen qamtamasyz etý, jylý, qoqys shyǵarý, lıftterge qyzmet kórsetý jumystaryn qosa alǵanda, kommýnaldyq sektorda memlekettik-jekemenshik áriptestik elementterin engizýge qatysty sharalardy ázirlep jatqanyn aıta ketý kerek.
Sóz arasynda aıta ketsek, álemdik tájirıbede aıtarlyqtaı jemisti tájirıbe, TKSh salasynda memlekettik-jekemenshik áriptestik formasynyń joǵary dárejede damýy men keńinen qoldanylýy ádettegideı, Batys Eýropa men Soltústik Amerıkanyń damyǵan elderinde kórinis tabady. Sheteldik tájirıbe turǵyn úı qoryn uıymdastyrý men paıdalanýǵa berý salasynda memlekettik-jekemenshik áriptestikti damytý kerek ekenin kórsetedi (AQSh, Ulybrıtanııa, Belgııa, Nıderlandy, Shvetsııa, Avstrııa).
Qazaqstanda «TKSh qaıta jańǵyrtý» baǵdarlamasynyń «Kóppáterli turǵyn úılerdi kúrdeli jóndeýden ótkizý» jónindegi birinshi tetigi boıynsha 2011 jyly 106 úıdi kúrdeli jóndeýden ótkizý josparlanýda. Elimizdiń barlyq aımaqtarynda derlik turǵyndar jóndeý jumystaryn júrgizýge kelisim bergen. Aqmola, Aqtóbe, Almaty, Atyraý, Shyǵys Qazaqstan, Jambyl, Qaraǵandy, Mańǵystaý, Pavlodar, Ońtústik Qazaqstan oblystary men Astana qalasynda jóndeýden ótkiziledi dep josparlanǵan úılerdiń barlyǵynda Memlekettik saraptamany qosa alǵanda, jobalyq-smetalyq qujattama bar.
2011 jyldyń 5 jeltoqsanyndaǵy jaǵdaıǵa sáıkes, elimizdiń 11 aımaǵyndaǵy 61 úıde jóndeý jumystary júrgizilip jatyr. Sonymen qatar, Aqtóbe (8 úı), Atyraý (5 úı), Shyǵys Qazaqstan (7 úı), Jambyl (3 úı), Soltústik Qazaqstan (8 úı) oblystary men Asta qalasynda (2 úı) 33 úıdiń jóndeý jumystary aıaqtaldy. Turǵyn úı-kommýnaldyq sharýashylyqty qaıta jańǵyrtý men damytýdyń Qazaqstandyq ortalyǵynyń málimetine sáıkes, barlyq aımaqtarda birinshi baǵyt boıynsha 72 jınaqtaýshy arnaıy esepshot ashylǵan.
«Kóppáterli turǵyn úılerdi jóndeýden ótkizý» atty baǵdarlamanyń ekinshi tetigine sáıkes, turǵyndar jınylastyranyń 449 hattamasyna qol qoıylǵan, bul kondomınıým obektileriniń jalpy sanynyń 97 paıyzyn quraıdy. Josparlanǵan 464 úıdiń ishinen kondomınıýmnyń 405 nysany nemese 88 paıyzy tirkelgen. Ekinshi baǵyt boıynsha elimizdiń barlyq aımaqtaryndaǵy 277 úıdiń jóndeý jumystary jalǵasýda, bul jóndeýge jatatyn barlyq úılerdiń 60 paıyzyn quraıdy. Osy baǵyt boıynsha fasadtar, tóbe jabyndary, ajyratý jelileri, kireberister,sonymen qatar lıftter jóndeýden ótedi. Sondaı-aq, osy baǵytqa sáıkes, jınaqtaýshy esepshottar ashý kózdelgen. Barlyǵy 266 arnaıy jınaqtaýshy esepshottar ashylǵan.
Osylardan bólek, Aqtóbe oblysyndaǵy 45 úı, Almaty oblysynda 18 úı, Atyraý oblysynda 12 úı, Shyǵys Qazaqstan oblysyndaǵy 50 úı, Jambyl oblysynda 19 úı, Soltústik Qazaqstan oblysyndaǵy 9 úıdiń jóndeý jumystary aıaqtaldy.
TKSh qaıta jańǵyrtý boıynsha memlekettik sharalar kondomınıým nysandarynyń múlikterin qalpyna keltirýge, jylý, elektr jáne gaz jetkizý jelilerin jóndeýden ótkizýge baǵyttalǵan. Baǵdarlamanyń júzege asyrylý nátıjesinde Qazaqstanda 2015 jylǵa qaraı jóndeýdi talap etetin kondomınıým nysandarynyń úlesi 32 paıyzdan 22 paıyzǵa deıin azaıady dep josparlanýda.
