TKSh jańǵyrtý baǵdarlamasy boıynsha 565 úıde jóndeý jumystary júrgizilip jatyr
ASTANA. 16 sáýir. QazAqparat - Úkimet júzege asyryp jatqan Turǵyn úı-kommýnaldyq sharýashylyqty jańǵyrtý baǵdarlamasy qazaqstandyqtardyń baspana jaǵdaıynyń sapasyn arttyrýǵa negizdelýde.
2012 jyly Baǵdarlamaǵa engizilgeli otyrǵan ózgertýler halyqtyń barlyq sanaty úshin osynaý tetiktiń qoljetimdiligin qamtamasyz etýge múmkindik bergeli otyr, dep habarlady pm.kz saıty.
Bul Baǵdarlama Elbasynyń «Bolashaqtyń irgesin birge qalaımyz!» atty Qazaqstan halqyna Joldaýymen júktelgen tapsyrma boıynsha byltyr ilki rejimde iske asyryla bastaǵan edi.
TKSh jańǵyrtý baǵdarlamasynyń tetikterin iske asyrý úshin jergilikti atqarýshy organdarǵa áleýmettik-kásipkerlik korporatsııalardy kapıtaldandyrý úshin - 1842 mln. teńge soma maqsatty transfertter jáne ákimdiktiń ýákiletti uıymdaryn kapıtaldandyrýǵa- 5500 mln. teńge qarjy bólinip otyr.
Qazirgi tańda 565 úıde, onyń ishinde І tetik boıynsha - 106 úıde, ІІ tetik boıynsha - 459 úıde jóndeý jumystary júrgizilýde.
Qurylys jáne TKSh isteri jónindegi agenttikten habarlaǵandaı, Baǵdarlamanyń І tetigi boıynsha 65 úıde jóndeý jumystary aıaqtaldy, onyń ishinde Aqtóbe, Almaty, Atyraý, Mańǵystaý oblystary men Astana qalasyndaǵy jumystar tolyq aıaqtaldy. Qalǵan óńirlerdegi jumystar aıaqtalýǵa jaqyn.
ІІ tetik boıynsha 459 úıdi jóndeý josparlanǵan bolatyn. 2012 jyldyń 26 naýryzyndaǵy jaǵdaı boıynsha, Aqmola, Aqtóbe, Almaty, Atyraý, Jambyl oblystarynda 333 úıde jóndeý jumystary aıaqtaldy.
El Úkimeti qazirgi ýaqytta 2011 jylǵy ilki tájirıbeni eskere otyryp, Baǵdarlamaǵa ózgertýler engizýde. 2013 jyldan bastap, turǵyn úıler burynǵy eki tetiktiń ornyna bir ǵana shema boıynsha - respýblıkalyq bıýdjetten bólingen transfertterdiń esebinen ákimdikterdiń ýákiletti uıymdaryn kapıtaldyrý esebinen jóndeletin bolady.
Atap aıtqanda, tapsyrys berýshi bolyp tabylatyn jeke páter ıeleri kooperatıvi men ákimdiktiń ýákiletti organy - JShS arasynda kelisimshart jasalady. Páter ıeleriniń jalpy jınalysymen kelise otyryp, JShS jóndeý jumystaryn júrgizý úshin merdigerdi tartady. Páter ıeleri PIK-ke (páter ıeleriniń kooperatıvi) bastapqy jarna salady, ol qarajat keıin ákimdiktiń ýákiletti organy júrgizetin jóndeý jumystaryn tóleý úshin paıdalanylady. Kelisimshartta bekitilgen merzim ishinde páter ıeleri aı saıyn jınaq ashqa salyp otyrady, keıin ol qarajat bólip tóleý negizindegi JShS-ǵa tólengen qarjy bolyp eseptelinedi.
Taǵy bir erekshe aıta ketetin jaıt, turǵyn úılerdi jóndeýdiń osy tetigin júzege asyrýda áleýmettik az qamtylǵan azamattar úshin ataýly áleýmettik kómek kózdelgen. Olarǵa kondomınıým nysanynyń ortaq múlkin jóndeý shyǵyndaryn óteý úshin jáne jarnalaryn tóleý úshin turǵyn úı kómegi kórsetiledi.
