TKSh-ty jańǵyrtý men damytýdyń Qazaqstandyq ortalyǵynda basqarma tóraǵasy aýysty
ASTANA. 22 qazan. QazAqparat - QR Qurylys isteri jáne TKSh jónindegi agenttik tóraǵasynyń buıryǵymen «Turǵyn úı-kommýnaldyq sharýashylyqty jańǵyrtý men damytýdyń Qazaqstandyq ortalyǵy» AQ basqarma tóraǵasy bolyp Tóleýtaı Rahymbekov taǵaıyndaldy.
Atalmysh mekemeniń baspasóz qyzmeti habarlaǵandaı, Tóleýtaı Rahymbekovtyń bıznes pen memlekettik qyzmetti basqarý jumysynda úlken tájirıbesi bar. Sońǵy jyldary QR Kólik jáne kommýnıkatsııa mınıstrligi departamentiniń dırektory, «QazAgroInnovatsııa» AQ prezıdenti, QR Premer-Mınıstri orynbasarynyń keńesshisi bolyp qyzmet atqarǵan. Ol «Turǵyn úı-kommýnaldyq sharýashylyqty jańǵyrtý men damytýdyń Qazaqstan ortalyǵy» AQ-nyń negizi qalanǵan 2009 jyldan alǵashqy basqarma tóraǵasy bolǵan. Osy ýaqytqa deıin Qaraǵandy oblysy ákiminiń orynbasary bolyp jumys istedi.
«Turǵyn úı-kommýnaldyq sharýashylyqty jańǵyrtý men damytýdyń Qazaqstan ortalyǵy» AQ basqarma tóraǵasy bolǵan Álıhan Bıjanov óz erkimen jumystan bosatyldy.
